Ministri i Bujqësisë, Pylltarisë dhe Zhvillimit Rural, Nenad Rikallo, pritet që të dorëhiqet gjatë javës që vjen, në mënyrë që të plotësohet kushti i Partisë Socialdemokrate (PSD) për votimin e buxhetit 2019 në seancën e 31 janarit të këtij viti.
Edhe kryeministri Ramush Haradinaj ka folur dje gjatë mbledhjes së Qeverisë për mundësinë e dorëheqjes së ministrit Rikallo.
“Nëse shkarkohet Rikallo nuk është që unë po i bëj një vlerësim të punës, ai është gati në dorëheqje.
Me Listën Serbe nuk kam komunikuar, me PSD-në kemi folur për përkrahje të buxhetit.
Ne jemi tash në bisedime dhe unë jam me PSD-në”, ka thënë Haradinaj pas mbledhjes së djeshme të Qeverisë.
