Kryeministri Ramush Haradinaj ka kërkuar koordinim ndërinstitucional për parandalimin e zjarrvënieve në Kosovë, të cilat kohëve të fundit janë bërë një dukuri shqetësuese.
Ai në një postim në Facebook shkruan se ka kërkuar sot nga kryetarët e Komunave një koordinim ndërinstitucional dhe ndërkomunal për menaxhimin e emergjencave për ta parandaluar dukurinë shqetësuese të zjarreve, që ka përfshirë shumë zona të Kosovës.
Postimi i plotë:
Kam kërkuar sot nga Kryetarët e Komunave një koordinim ndërinstitucional dhe ndërkomunal për menaxhimin e emergjencave si dhe bashkëpunim ndërmjet nivelit qendror e lokal të pushtetit, për ta parandaluar dhe trajtuar dukurinë shqetësuese të zjarreve, që ka përfshirë shumë zona të Kosovës.