Zhbllokimi i dialogut mes Kosovës e Serbisë, heqja ose pezullimi i taksës një qind për qind ndaj produkteve serbe e boshnjake, si dhe çështja e liberalizimit të vizave për qytetarët e Kosovës pritet të jenë disa nga temat të cilat do të diskutohen në takimin e kryeministrit të Kosovës Ramush Haradinaj me kancelaren gjermane Angela Merkel, i cili do të mbahet më 6 qershor të këtij viti.
Deputeti i Lëvizjes Vetëvendosje, Rexhep Selimi, e sheh si lajm këtë takim, mirëpo shpreson që ky takim të mos prodhojë lajme të këqija siç e quan ai, heqjen e taksës ndaj Serbisë.