Kolona të gjata në Merdare, rreth 6 orë pritje për të dalë nga Kosova - Bota Sot
Kolona të gjata në Merdare, rreth 6 orë pritje për të dalë nga Kosova

Aktuale

Kolona të gjata në Merdare, rreth 6 orë pritje për të dalë nga Kosova

Më: 16 gusht 2019 Në ora: 12:23
Foto Ilustrim

Sezoni e verës po na lë, e me vete po i merr edhe bashkatdhetarët të cilët kanë zgjedhur Kosovën për t’i kaluar pushimet e tyre.

Meqenëse fluksi i atyre që vijnë ka shënuar rënie të theksuar, e kundërta po ndodhë në dalje.

Sipas njoftimit të Qendrës Kombëtare për Menaxhimin Kufitar për të dalë nga Kosova nga pikë kalimi kufitar në Merdarë, qytetarët duhet të presin 300-320 minuta, apo rreth 6 orë. E kolona thuhet të jetë e gjatë 1 mijë e 300 metra.

Pas Merdarës, pritje të gjata në dalje të vendit janë evidentuar edhe në Mutivodë, ku bashkatdhetarët po presin 4 orë në kolona prej 1 mijë e 250 metra.

Edhe pikë kalimi tek Dheu i Bardhë dhe ai në Jarinje sipas QKMK-së, janë duke u përshkruar nga kolona të gjatë 800-900 metra, që po shkaktojnë pritje afër 2 orë e gjysmë pritje në dalje.

Ndërkaq në hyrje kolona jo shumë të gjata janë evidentuar në Merdarë, ku kolona është e gjatë rreth 50 metra dhe në Han të Elezit 20 metra.

Këto statistika janë nxjerrë nga Qendra Kombëtare për Menaxhimin Kufitar, të publikuara pak pas orës 11:00.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...