Rexhep Selimi ftohet nga Gjykata Speciale në cilësinë e të dyshuarit - Bota Sot
Rexhep Selimi ftohet nga Gjykata Speciale në cilësinë e të dyshuarit

Aktuale

Rexhep Selimi ftohet nga Gjykata Speciale në cilësinë e të dyshuarit

Nga: D.RR Më: 10 nëntor 2019 Në ora: 17:04
Rexhep Selimi

Ish-pjesëtari i Ushtrisë Çlirimtare të Kosovës dhe deputeti i Vetëvendosjes, Rexhep Selimi është ftuar nga Gjykata Speciale, përcjellë "Bota sot".

Kjo gjë u bë e ditur nga vetë Selimi, i cili deklaroi se është i ftuar në cilësinë e të dyshuarit.

Selimi tha se ashtu si thuajse të gjithë anëtarët e SHP të UÇK-së dhe shumë luftëtarë të tjerë të lirisë, është ftuar për t’u intervisutar nga Zyra e Prokurorit të Specializur, në cilësinë e të dyshuarit.

“Intervistimi do të zhvillohet gjatë javës së ardhshme në zyrën e Prokurorit të Specializuar në Holandë”, ka shtuar ai.

Ndryshe Selimi ishte deputet i Kuvendit të Kosovës nga radhët e Lëvizjes Vetëvendosje si dhe ka arritur të sigurojë votat e nevojshme për t’u bërë pjesë e legjislaturës së re të Parlamenti edhe për një mandat tjetër.

Postimi i plotë:

Të dashur miq, bashkëluftëtarë dhe qytetarë të vendit,

Ju njoftoj që, ashtu sikurse edhe pothuajse të gjithë anëtarët e SHP të UÇK-së dhe shumë luftëtarë tjerë të Lirisë, jam i ftuar që të intervistohem nga Zyra e Prokurorit të Specializuar në cilësinë e të dyshuarit.

Intervistimi do të zhvillohet gjatë javës së ardhshme në Zyrën e Prokurorit të Specializuar në Holandë.

Shfaq komentet
comments powered by Disqus
Sot mund të lexoni Shfletoni kopertinat