Kryeministri i Kosovës, Albin Kurti, mbrëmë ka qenë në teatrin “Dodona”, bashkë me vajzën Lea dhe bashkëshorten Ritën, për të parë shfaqjen “Liza në botën e çudirave” të Leëis Caroll, dramatizuar nga Arzana Kraja e me regji të Melihate Qenës, përcjell Bota sot.
Përmes një postimi në llogarinë në Instagram, Kurti ka thënë se mungojnë kushtet në atë teatër, por që ai jep dashuri e pasion, derisa ka thënë se do të japin ndihmë institucionale, sepse nuk ka
emancipim pa teatër.
Postimi i tij i plotë në Facebook:
Mbrëmë Lea, mua e Ritën, na dërgoi në teatrin “Dodona” për të parë shfaqjen “Liza në botën e çudirave” të Leëis Caroll, dramatizuar nga Arzana Kraja e me regji të Melihate Qenës.
Kur perdet e teatrit ranë ne u futëm në botën e tij. Duke e ndjekur nga pas lepuroshin e shfaqjes, çuditeshim bashkë me Lizën. Hera herës provonim t’i ndihmonim asaj në matematikë e në gjetjen e kryeqytetit të Kosovës. Viheshim në siklet nga trysnia mbi Lizën, por edhe gëzoheshim kur ajo triumfonte.
Njëmend mungojnë kushtet në këtë teatër, por aty ka aq shumë dashuri për të e pasion në të.
Aktorët tanë e bëjnë dhe shfaqin maksimumin e tyre në çdo paraqitje skenike, kurse ne duhet që së paku ta japim ndihmën institucionale. Si prind e di rëndësinë e teatrit, prandaj nuk do e lëmë në harresë.
Nuk ka emancipim pa teatër.
