Aktivisti i Vetëvendosjes, Arbër Zaimi, ka thënë se, Vetëvendosja nuk është thjesht koncept i politikës së re, por është koncept i ri për politikën.
“S’ka PDK e LDK, e Hashim e Kadri e Isë e Ramush e Fatmir që e ndal Vetëvendosjen, sepse Vetëvendosja ka zbuluar formulën e fitores që ata nuk e kanë, pavarësisht këshilltarëve, lobingjeve e mediave që blejnë”, ka shkruar Zaimi në Facebook.
Postimi në Facebook:
Vetëvendosja nuk është thjesht koncept i politikës së re, por është koncept i ri për politikën.
Meqenëse ka teoricienë që thonë se politika është vazhdim i luftës pa mjete ushtarake, mund të themi për analogji se Vetëvendosja e ka ndryshuar politikën në Kosovë, ashtu si bomba bërthamore e ka ndryshuar pakthyeshmërisht artin e luftës në botë. Pasi arrihet sasia maksimale e fuqisë, investimi nis të drejtohet i gjithi kah precizioni.
Kështu puna në politikë, Vetëvendosja ka arritur mbështetjen maksimale, ajo tash është e fokusuar në precizionin e ndërhyrjeve të saj.
S’ka PDK e LDK, e Hashim e Kadri e Isë e Ramush e Fatmir që e ndal Vetëvendosjen, sepse Vetëvendosja ka zbuluar formulën e fitores që ata nuk e kanë, pavarësisht këshilltarëve, lobingjeve e mediave që blejnë.
