Deputeti i Partisë Demokratike të Kosovës, Sejdi Hoxha, ka reaguar pas dorëzimit të Presidentit Hashim Thaçi në Hagë drejt Gjykatës Speciale.
Hoxha shprehet se pastërtia e luftës së UÇK-së do të konfirmohet edhe kësaj here, sikurse ishte dëshmuar edhe herave të tjera nga drejtësia ndërkombëtare.
”Besoj fuqishëm në pafajësinë e Presidentit Hashim Thaçi, Kryetarit Kadri Veseli dhe bashkëluftëtarëve të tyre.
Pastërtia e luftës së UÇK-së është konfirmuar disa herë nga drejtësia ndërkombëtare, kjo do të ndodhë përsëri.
Krenar me ju, ju presim ballëhapur dhe faqebardhë çlirimtarët tanë”.