Një banor i fshatit Bare të Shalës së Bajgorës, e ka hedhur në shitje shtëpinë me 1 hektar tokë për ta ndihmuar mbrojten e ish-kryetarit të PDK-së, Hashim Thaçit.
Veterani i UçK-së, Zenel Ferati që i takon PDK-së dhe punon si shërbyes civil në Komunën e Mitrovicës, ka deklaruar se paratë nga shitja e tokës dhe shtëpisë do t’i dhurojë në Fondacionin për ndihmë të Thaçit.
Në një bisedë, ai ka treguar se ka pranuar shumë oferta për t’ia blerë shtëpinë, teksa çmimi më i lartë që i është ofruar është 100 mijë euro.
“Deri më tani më janë ofruar shumë persona për me ble shtëpinë, oferta më e lartë që më ka ardhur deri më tani është 100 mijë euro. Unë këtë veprim e kam bërë me zemër sepse vet jam veteran i luftës së UCK-së dhe shpresoj që ata shumë shpejt, ata do të lirohen nga paraburgimi”, tha ai.
