Shefi i Grupit Parlamentar i PDK-së, ka vazhduar me kritikat e tij drejtuar ministres së Drejtësisë, Albulena Haxhiu.
Në seancën ku po diskutohet ndryshimi i kodit të procedurës penale, që do të mundësojë gjykimin e të akuzuarve në mungesë, Tahiri i ka thënë Haxhiut se po bëhet lajm ndërkombëtar me aktakuzën që ka për hedhje të gazit lotsjellës.
Tahiri thotë se ministrja Haxhiu paradite shkon në Gjykatës, e pasdite në Ministri.
“Nuk është mirë që të bëheni lajm ndërkombëtarë, që paradite shkoni në Gjykatë për të bëmat e juaja, e pasdite shkoni në Ministri të Drejtësisë. Po të ishit në ndonjë Ministri të Bujqësisë, do ishte më lehtë, por në dikaster të Drejtësisë jeni. Prandaj, keni kujdes e mos u bëni lajm ndërkombëtar”, tha Tahiri.
Tahiri gjithashtu ka thënë se në Qeveria ka edhe tjerë ministra që kanë aktakuzë.
