Shefi i misionit të EULEX-it: Situata e qetë në veri, nesër nis zbatimi i marrëveshjes për targat

Shefi i misionit të EULEX-it në Kosovë, Lars-Gunnar Wigemark ka vlerësuar se situata në veri të Kosovës është e qetë.

Wigemark ka thënë se EULEX-i po vazhdon patrullimet e shtuara në veriun e Kosovës së bashku me KFOR-in dhe policinë e Kosovës.

Tutje ai njoftoi se që nga nesër do të nis zbatimi i pikës së dytë të marrëveshjes që parasheh vendosjen e letrave ngjitëse në targat e automjeteve.

Today the Commander of the @NATO-led #KFOR mission, MG Franco Federici, visited KFOR units deployed at Jarinje and Brnjak. KFOR enhanced its temporary presence in northern #Kosovo, in support to the implementation of the recent arrangement.

Read more: https://t.co/oDajCMhHsn

— @NATO - KFOR (@NATO_KFOR) October 3, 2021

“EULEX-i po vazhdon të patrullojë dhe vëzhgojë situatën në Kosovën veriore së bashku me NATO-n dhe me kërkesë të Policisë së Kosovës. Situata është e qëndrueshme dhe regjimi i ri i afisheve do të nis nga të dyja palët që nga nesër më 4 tetor”, ka shkruar në Twitter Wigemark.  

Përgjatë ditës së djeshme, është zbatuar pika e parë e marrëveshjes për targat. Pika e parë parashihte largimin e protestuesve serbë, si dhe zëvendësimin e Njësitit Special me trupat e KFOR’it në pikat kufitare në veri.