Dastid Pallaska, avokati i Hashim Thaçi në një postim të tij në Facebook ka uruar pavarësinë e Kosovës, në përvjetorin e 14 të saj.
Pallaska shkruan se sot mohuesit e shtetit po përkulen para flamurit tone.
“Përkulja e tyre është tregues se Kosova është më e fortë se cilido gënjeshtar që e ka mohuar atë”, shkruan ai.
Postimi i plotë:
Është kënaqësi e posaçme të shohim sot mohuesit e shtetit tek përkulen para flamurit tonë.
Flamurin që përdhosën pa mëshirë në emër të gënjeshtrës së tyre se Kosova nuk është shtet.
Lehtësia irrituese e pafytyrësisë së tyre tregon më mirë se çkado tjetër mungesë karakteri që i bënë të padenjë për të qenë në krye të shtetit.
Njëkohësisht, përkulja e tyre është tregues se Kosova është më e fortë se cilido gënjeshtar që e ka mohuar atë.
Kjo kthesë është testament se Kosova, shteti ynë, është këtu për të qendruar.
Ndërsa, politikanët gënjeshtarë që e mohuan atë janë kalimtarë dhe do të harrohen më shpejt se koha brenda së cilës këta politikanë i harruan gënjeshtrat e tyre!
Gëzuar Dita e Pavarësisë të gjithve, e posaçërisht atyre që me dije, besim, luftë dhe punë vendosën dhe forcuan themelet e shtetit tonë!
