Kryetari i Aleancës për Ardhmërinë e Kosovës, Ramush Haradinaj, konsideron se zgjidhja më e mirë për situatën me ri-regjistrimin e tabelave do të ishte pranimi i kërkesës amerikane në kohë.
Në një postim në Facebook, ai ka shkruar se mosgjetja e një zgjidhjeje për situatën në veri të vendit, është keq dhe drejt eskalimit.
Postimi i plotë:
Të dashur qytetarë,
Zgjidhja më e mirë do të ishte pranimi i kërkesës amerikane në kohë.
Në situatën e krijuar tani, duhet të gjendet një zgjidhje, e cila mund të mos jetë e përkryer.
Por, pa zgjidhje për gjendjen në veri të vendit, situata është keq dhe drejt eskalimit.
