Analisti politik, Imer Mushkolaj, ka deklaruar se duhet të vendoset drejtësi për viktimat të cilat janë vrarë në Kosovë, gjatë dhe pasluftës.
Ai tha se duhet të debatohet për këto cështje, dhe si shoqëri duhet të kërkohet drejtësi për fatin e tyre.
“Për mu është e rëndësishme të vendoset drejtësi për viktimat, kushdoqoshin ato. Kjo është e rëndësishme, ne si shoqni duhet të kërkojmë, dhe të debatojmë për këto çështje. Nuk është përzierje në drejtësi nëse na flasim për drejtësi për viktimat”, ka thënë ai.
Mushkolaj, tha se e kupton rolin propagandistik, të komunikatave të UÇK-së, për ta ngritur moralin e ushtarëve, por sipas tij nëse në ato komunikata ka pasur emra njerëzish për t’u eliminuar, atëherë ato duhet të zbardhen.
“Nëse në ato komunikata ka emra njerëzish, aty kemi të bëjmë më viktima jo me propagandë më. Nëse merren përgjegjësi për vrasjen e dy tre personave të cilët familjarët i kërkojnë, dhe japin deklarata për zhdukjen dhe vrasjen e tyre. Drejtësia duhet të fokusohet te viktimat, pjesën tjetër propagandistike, normalisht në secilën luftë bëhet për ta ngritur moralin e njerëzve”, ka thënë ai.
