Imami i njohur, Labinot Maliqi, ka qenë i intervistuar nga Departamenti Amerikan i Shtetit, lidhur me Raportin e vitit 2022 për lirinë fetare ndërkombëtare.
Mes të tjerash, Maliqi ka folur edhe për një prej çështjeve më të rëndësishme sa i përket lirisë fetare, e që është bartja e shamisë në shkolla.
“Në mars, një deputet i Kuvendit postoi në mediat sociale se një shkollë e mesme në komunën e Gjakovës/Djakovica kishte shfaqur një tabelë ku renditej hixhabi me sende të tjera të ndaluara, duke përfshirë armët, duhanin dhe grimin. Mediat raportuan se drejtoresha e shkollës dhe familja e saj kanë marrë kërcënime me dhunë për shkak të postit të deputetes. Imami Labinot Maliqi i bëri thirrje MESTI-t që të shkarkojë drejtorin e shkollës dhe kërcënoi se do ta padisë MESTI-n për mosveprimin e tij” thuhet në raport.
Në raport thuhet gjithashtu edhe se Kushtetuta ndalon diskriminimin fetar dhe parashikon lirinë e fesë, duke iu nënshtruar kufizimeve për të garantuar rendin, shëndetin dhe sigurinë publike ose për të mbrojtur të drejtat e të tjerëve.
Përgjatë raportit trajtohet edhe çështja e kishave si dhe ushtrimit të fesë ortodokse nga ana e komuniteteve jo shumicë.
