Në Parlamentin britanik është duke u zhvilluar një debat për situatën e tensionuar në Kosovë.
Deputeti laburist David Lammy ka thënë se përpjekja e Britanisë së Madhe për Kosovën duhet të bëhet më e fuqishme.
Ai ka thënë se asnjë Sekretar i Jashtëm britanik nuk e ka vizituar Kosovën që nga viti 2016.
“Situata në veri të Kosovë është skajshmërisht e pasigurt dhe kërkon vëmendjen e menjëhershme të kësaj dhome. Javën e kaluar, rreth 30 ushtarë paqeruajtës të KFOR-it dhe 57 protestues janë lënduar. Përkundër rolit tonë historik, asnjë Sekretar i Jashtëm nuk e ka vizituar Kosovën që nga viti 2016”, ka deklaruar ai.
“Britania e Madhe duhet të fillojë të tregojë lidership, të fokusohet në de-përshkallëzim dhe të ri-vendos dialog konstruktiv mes Kosovës dhe Serbisë’, ka thënë ai.
