Kryeministri Albin Kurti e hapi mbledhjen e sotme të Qeverisë duke i uruar mirëseardhje në kabinetin qeveritar ministrit të ri të Mbrojtjes, Ejup Maqedonci.
Pasi i uroi mirëseardhje Maqedoncit, Kurti e falënderoi Armend Mehajn dhe i uroi shërim të shpejtë bashkëshortes së tij.
“E falënderoj edhe njëherë përzemërsisht për kontributin, angazhimin dhe dedikimin pashoq ish-ministrin Armend Mehaj, ndërkaq bashkëshortes së tij i dëshiroj shërim të plotë dhe të shpejtë”, tha Kurti.
Ndërsa Maqedoncit, Kurti i uroi “punë të mbarë”.
