Lëvizja Vetëvendosje sot e ka përjashtuar nga partia asamblistin, Besnik Mujeci, i cili u arrestua në Tiranë nën dyshimin për trafikim droge.
Kryetari i Grupit të Asamblistëve të Lëvizjes Vetëvendosje në Prishtinë, Gëzim Sveçla, tha në RTK, se përjashtimi i Mujecit nga LVV, është një standard në skenën politike në Kosovë, pasi që ky i fundit dyshohet për vepra penale.
Sveçla tha se pret nga Besnik Mujeci, të dorëzojë mandatin e tij që e ka në Kuvendin Komunal të Prishtinës.
Derisa, pas dorëheqjes së tij, do të zëvendësohet nga një asamblist tjetër i LVV-së.
