Zëvendësministri i Drejtësisë në Republikën e Kosovës, Vigan Qorrolli, tha se kjo ministri po pret që Gjykata të bëjë kërkesën për ekstradimin e pjesëtarëve të grupit të dyshuar për sulmin terrorist në Banjskë të Zveçanit, të cilët kanë ikur për në Serbi.
Madje, sipas tij, ekstradimi i tyre do të jetë kusht në çfarëdo marrëveshje që arrihet mes shtetit të Kosovës dhe atij të Serbisë, me ndërmjetësimin e Bashkimit Evropian.
Qorrolli në një intervistë për emisionin KIKS Kosova po ashtu tha se shteti i Kosovës do të kujdeseqë emrat dhe të dhënat e të arratisurve, të cilët janë të përfshirë në sulmin terrorist të 24 shtatorit, t’ia dërgojë INTERPOL-it në mënyrë që të njëjtit të shpallen në kërkim ndërkombëtar.
Ndryshe, terroristët serbë kanë vra policin e Kosovës, Afrim Bunjakun.
