Pavarësisht sondazheve të cilat nuk kanë dhënë rezultate të mira për opozitën brenda Kuvendit të Kosovës, optimizëm se 2024 mund të jetë vit i zgjedhjeve të parakohshme ka.
Pikërisht janë PDK e partitë tjera të opozitës të cilat kanë nisur vitin më këtë deklaratë
Madje dikush po thotë se fushatën parazgjedhore e kanë nisur edhe liderët që aktualisht udhëheqin me vendin.
“ Besoj se ashtu do të jetë pasi Qeveria e Kurtit, dhe ajo duhet të përfundoj më herët dhe gjendja jo stabile në Kosovë e detyron të shkoj drejtë një koalicioni me të gjer dhe e fundit është zbatimi I Asociacionit””, ka thënë profesori, Milazim Krasniqi.
Mirëpo 2024, duket se do të jetë më shumë vit i angazhimit të politikës së brendshme e punëve të cilat qeveria aktuale do tua prej shiritin e kuq, gjë që gjatë viteve paraprake ka munguar.
“Mund të jetë vit zgjedhore dhe do të kemi premtime e prerja të shiritave gjatë këtij viti. Provokimi i zgjedhjeve të reja nga ana e Kryeministrit Kurti, mund të vije për dy arsye e para për prolongimin e marrëveshjeve me serbin dhe e dyta ky disponimi momental për ta votuar Vetëvendosjen”, ka thënë analisti, Fidan Ukaj.
Sipas kalendarit, Kosova zgjedhjet nacionale duhet t’i mbaj në fillim të vitit 2025.
