Presidenti i Serbisë, Aleksandar Vuçiq dhe ambasadori i Shteteve të Bashkuara, Christopher Hill, sot kanë diskutuar për situatën në Kosovë.
Ata kanë diskutuar gjithashtu edhe për vazhdimin e dialogut me Prishtinën, si dhe për pozicionin ndërkombëtar të Serbisë.
“Një bisedë e hapur me ambasadorin Christopher Hill për përmirësimin e mëtejshëm të marrëdhënieve politike dhe ekonomike serbo-amerikane”, thuhet në postimin në profilin e Aleksandër Vuçiqit në Instagram.
Siç është shkruar, ata kanë konfirmuar se Serbia është e përkushtuar për ruajtjen e paqes dhe stabilitetit në rajon dhe forcimin e miqësisë dhe bashkëpunimit ndërmjet Serbisë dhe SHBA-së.
