Drejtori i Administratës Tatimore të Kosovës (ATK), Ilir Murtezaj, ka thënë se vetë institucioni që ai e drejton ka dërguar në Prokurori prova të mjaftueshme për keqpërdorime të mundshme nga zyrtarët e arrestuar dje.
Hetimet sipas tij kanë nisur në vitin 2020.
Në konferencën për media lidhur me arrestimet me këto arrestime, Murtezaj ka deklaruar se me veprimet e tyre kanë arritur ta parandalojnë keqpërdorimin e buxhetit, raporton eo.
“Në vitin 2020 është ngritur çështja, ndërsa më 2021 raporti për kallëz penal është dorëzuar në prokurori kur sipas reagimeve te shpejta të ATK-së është arritur ndalja e keqpërdorimit të buxhetit”, u shpreh Murtezaj.
