Përdorimi i dinarit serb, është një nga temat kryesore që po diskutohet tash e disa ditë në vend.
Rregullorja e re e Bankës Qendrore, e cila ka hyrë në fuqi më 1 shkurt, e njeh si valutë të vetme të pagesave Euron.
E kjo ka ngjallur reagime të shumta nga komuniteti ndërkombëtar dhe ai serb.
Faktori ndërkombëtar i ka kërkuar Qeverisë së Kosovës shtyrjen e zbatimit të këtij vendimi.
A është ndaluar dinari në Kosovë?
BQK-ja rreth kësaj çështje ka publikuar të premten një video e cila jep përgjigjen rreth shumë pyetjeve me interes.
Ky institucion tregon se dinari nuk është i ndaluar në Kosovë.
“Jo. Dinari si çdo valutë tjetër jo-euro (dollari, funta, frangu etj) lejohet të posedohet dhe ruhet si vlerë (kursime fizike, kursime në llogari, konvertim në institucione financiare. Pra, dinari NUK është i ndaluar”, shpjegon Banka Qendrore në videon e publikuar.
