Policia e Kosovës është duke kërkuar ndihmën e qytetarëve për të identifikuar një person të dyshuar për keqtrajtim të kafshëve.
Policia, me autorizim nga prokuroria ka publikuar edhe fotografi të personit të dyshuar, që do të ndihmonin në identifikimin dhe arrestimin e tij.
“I dyshuari kërkohet për përfshirje në një rast, keqtrajtim i kafshëve dhe ndotja e ushqimit dhe e ujit të shtazëve nga neni 346 par.3 të KPRK-së”- ka thënë Policia e Kosovës.
Policia i ka lutur qytetarët nëse kanë informata për personin apo vendndodhjen e tij tl kontaktojnë në numrin e telefonit: 192.
