Ministri i Jashtëm malazez, Sërgjan Darmanoviq, tha sot në Shkup se ishte i befasuar nga fakti se në Serbi kishte drama rreth votës së Malit të Zi pro Kosovës për anëtare të Interpolit.
“Nuk e di pse Serbia po bën kaq shumë drama në lidhje me këtë”, është shprehur Darmanoviq
Ai është shprehur se kësaj radhe vota e Malit të zi ishte vetëm përsëritje e zërit të tyre pro Kosovës në Interpol.
“Ne tashmë kemi votuar për Kosovën, këtë herë vetëm e përsërisim këtë zë,” u tha Darmanoviq gazetarëve në Shkup.
Ai gjithashtu kujtoi se Mali i Zi është një në 100 vendet e para që e njohu Kosovën.
“Në dialogun Kosovë – Serbi, ne jemi partnerë shumë konstruktivë dhe i inkurajojmë ata që të arrijnë një zgjidhje”, tha Darmanoviq, duke shtuar se Shqipëria, Maqedonia, Mali i Zi, Kroacia dhe Sllovenia votuan në favor të pranimit të Kosovës në Interpol.
“Ne kemi votuar me një shumicë bindëse, si aleatët tanë të NATO-s dhe partnerët e BE-së”, shpjegoi Darmanoviq.