Pas një dite të paharrueshme në majet e Rusolisë dhe Hasanit në Rugovë, këtë të diele me 20 shtator duke filluar në orën 05:00 të mengjesit, Hikingnjeri do të organizojë për herë të parë ecjen me grup të madh në bjeshkën madhështore të Rosit në luginën e Valbonës, Shqipëri.
"Këtë të diele do të keni rastin e parë ta përjetoni bjeshkën madhështore të egër të Rosit, të kënaqeni me bjeshkët pa fund të Valbonës dhe të majeve të thepisura të Bjeshkëve të Nemuna në Shqipëri dhe Mal të Zi.
Kjo ecje hynë në kategorinë mesatare të veshtërsisë dhe është e përshtatshme edhe për fillestarë. Ecja komplete është 16 km (lartë / poshtë) deri në qafë të Rosit dhe bëhet nëpër shteg malor", njofton mes të tjera Hiking Njerit.
