Nën akuzë për opiodin, familja miliardere transferoi 1 miliard dollarë në Zvicër - Bota Sot
Nën akuzë për opiodin, familja miliardere transferoi 1 miliard dollarë në Zvicër

Amerika

Nën akuzë për opiodin, familja miliardere transferoi 1 miliard dollarë në Zvicër

Më: 15 shtator 2019 Në ora: 10:38
Familja miliardere

Familja e miliarderit Sackler transferoi të paktën 1 miliard dollarë në banka të ndryshme, përfshirë llogaritë në Zvicër, thanë zyrtarët.

Sacklers zotëron kompaninë e famshme farmaceotike Purdue Pharma, e cila akuzohet për nxitjen e krizës së opioideve amerikane përmes ilaçeve si OxyContin.

Purdue aktualisht po përballet me veprime juridike të sjella nga më shumë se 2,000 paditës, përfshirë pothuajse 12 shtete të SHBA.

Sipas vlerësimeve të Forbes, Sacklers ka një pasuri prej 13 miliardë dollarë, por shumë shtete pretendojnë se familja ka më shumë para të fshehura jashtë vendit.

Prokurorja e Përgjithshme e Shtetit në New York, Letitia James, tha që ajo ka kërkuar regjistrime nga 33 institucione financiare.

Sidoqoftë, 1 miliardë dollarë transferime u zbuluan nga të dhënat e marra vetëm nga një institucion.

"Regjistrimet vetëm nga një institucion financiar kanë treguar afro 1 miliard dollarë në transferimet midis Sacklers, subjekteve që ata kontrollojnë dhe institucioneve të ndryshme financiare, përfshirë ato që kanë grumbulluar fonde në llogaritë bankare në Zvicër," tha znj James, duke konfirmuar pretendimet e raportuara së pari në New York Times.

Ajo nuk i përmendi institucionet financiare të përfshira.

Si përgjigje, një ish-anëtar i bordit të kompanisë, tha në një deklaratë për mediat amerikane se nuk kishte "asnjë lajm në këto raportime mbi transferime dhjetëvjeçare, të cilat ishin krejtësisht të ligjshme dhe të përshtatshme në çdo aspekt".

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...