FBI: Të shtënat në Teksas kanë lidhje me terrorizmin - Bota Sot
FBI: Të shtënat në Teksas kanë lidhje me terrorizmin

Amerika

FBI: Të shtënat në Teksas kanë lidhje me terrorizmin

Më: 22 maj 2020 Në ora: 10:16
FBI

Byroja Federale e Hetimeve (FBI) në Shtetet e Bashkuara tha se të shtënat në një bazë të marinës amerikane në Teksas, më 21 maj, "ishin të lidhura me terrorizmin".

Nga të shtënat u plagos një pjesëtare e marinës, e cila po punonte në një pikë kontrolli të sigurisë.

Edhe pse u plagos, ajo ishte në gjendje të aktivizonte një pengesë, duke e parandaluar personin e armatosur që të futej në bazë.

Pjesëtarja e marinës është në gjendje të mirë shëndetësore, njoftoi ushtria amerikane.

Sulmuesi mbeti i vdekur në vendngjarje, tha FBI.

FBI nuk bëri të ditura detaje në lidhje me sulmuesin, apo pse hetuesit besojnë se incidenti ishte i lidhur me terrorizmin.

Në një deklaratë të veçantë, Departamenti i Drejtësisë i SHBA-së tha se po punonte me agjencitë shtetërore dhe lokale për të zhvilluar hetimet.

Shfaq komentet
comments powered by Disqus
Sot mund të lexoni Shfletoni kopertinat