“S’marr dot frymë”/ I ndaluari vdes në duart e policisë, në SHBA shpërthejnë protestat! - Bota Sot
“S’marr dot frymë”/ I ndaluari vdes në duart e policisë, në SHBA shpërthejnë protestat!

Amerika

“S’marr dot frymë”/ I ndaluari vdes në duart e policisë, në SHBA shpërthejnë protestat!

Më: 27 maj 2020 Në ora: 12:01
Foto ilustrim

Vdekja e një burri më ngjyrë të paarmatosur në duart e policëve që e arrestuan ka shkaktuar protesta të dhunshme në SHBA.

Kjo e fundit përdori gazin lotsjellës mbi turmat e zemëruara të njerëzve, që u përgjigjën me gurë. Pamjet filmike të xhiruara nga një kalimtar I rastit e të shpërndara në internet tregojnë 46 vjecarin George Floyd, të thotë “ Nuk marr dot frymë”, ndërsa një polic I bardhë i ka vendosur gjurin në fyt.

Katër efektivë u shkarkuan pas incidentit në Minneapolis, ku kryetari i bashkisë, Jacob Frey, tha se të qenit me ngjyrë “nuk duhet të jetë dhe një dënim me vdekje”. “Për pesë minuta radhazi shihet që një oficer i bardhë i ka vënë gjurin në qafë këtij burri afrikano-amerikan. Për pesë minuta. Kur dëgjon që dikush thërret për ndihmë, duhet ta ndihmosh. Oficeri dështoi në detyrën më themelore, në sensin njerëzor”, tha ai.

Ngjarja solli në kujtesë rastin e rëndë të Eric Garner, i cili vdiq në New York në 2014-tën, i mbërthyer dhe ai keqas nga një polic, aq sa u mbyt. Vdekja e Garner u shndërrua në kushtrim për protesta masive kundër brutalitetit të policisë në SHBA, dhe në forcën shtese të lëvizjes “Jetët me ngjyrë vlejnë”. Në hetimin e vdekjes së Floyd do të përfshihet dhe FBI-ja. Incidenti në Minneapolis është rasti i fundit në një numër vdekjesh kur afrikano-amerikanë kanë humbur jetën pasi janë ndaluar nga policë të bardhë.

Shfaq komentet
comments powered by Disqus
Sot mund të lexoni Shfletoni kopertinat