Presidenti amerikan, Donald Trump, sugjeroi gjatë një turneu në Florida që ai do të mund ta shkarkonte Anthony Faucin pas zgjedhjeve presidenciale.
Sipas CNN, duke folur pas mesnate pas një dite plotë fushatë, ai po ankohej për mbulimin mediatik të situatës pandemike, kur shpërtheu turma në një brohoritje “shkarkojeni Faucin”.
“Mos ia thoni askujt, por më lejoni të pres deri pak pas zgjedhjeve”, iu drejtua Trump turmës.
“Unë e vlerësoj këshillën”, tha ai.
Më vonë, Trump potencoi që Fauci ishte një burrë i mirë, mirëpo që i njëjti kishte gabuar shumë.
Të dy gjatë gjithë kësaj periudhe të pandemisë ishin përballur me disa mospajtime.
