Joe Biden ka zëvendësuar mjekun e Shtëpisë së Bardhë, i cili ofroi informacione mashtruese në lidhje me diagnozën e presidentit Donald Trump.
Një zyrtar i Shtëpisë së Bardhë tha se Biden kishte zgjedhur Kevin O’Connor për të zëvendësuar Sean Conley, si mjekun e tij, raporton cnn.
Nuk është e pazakontë që një president të emërojë mjekun e tij kur merr detyrën, megjithëse dy paraardhësit e fundit secili mbajti mjekun në detyrë.
Conley gjeneroi polemikë në vjeshtë kur pranoi të ofrojë përshkrime rozë të gjendjes së Trumpit sepse Shtëpia e Bardhë donte të projektonte optimizëm. Në realitet, Trumpi kishte gjendje të rëndë shëndetësore pas infektimit me coronavirus.
Biden ka një histori të gjatë me O’Connor, i cili shërbeu si mjeku i tij ndërsa ishte nënpresident. Ai është një kolonel në pension i Ushtrisë Amerikane, i cili shërbeu në Divizionin 82-të Ajror, Regjimentin e 75-të Ranger dhe Komandën e Operacioneve Speciale të Ushtrisë së Shteteve të Bashkuara.
Në moshën 78 vjeç, Biden është presidenti më i vjetër i inauguruar rishtazi në historinë amerikane.
