Kandidatët Republikanë për zgjedhjet presidenciale të 2024-ës në SHBA ndanë skenën për herë të parë në një aktivitet të fushatës në Iowa. Rivalët e parë republikanë Donald Trump dhe Ron DeSantis kryesuan darkën vjetore të Partisë Republikane për mbledhjen e fondeve në Lincoln.
Gjatë aktivitetit, të 13 kandidatëve iu dhanë 10 minuta kohë për të folur në skenë. Në raport me kundërshtarët e tij, Trump është në krye.
“Unë jam i vetmi kandidat republikan që mund të fitojë”
Ish-presidenti amerikan Trump u tha audiencës se ai është i vetmi kandidat që mund të fitojë zgjedhjet e vitit të ardhshëm dhe sugjeroi se kjo është arsyeja e vetme pse ai po përballet me një sërë akuzash penale, shkruan BBC.
Trump ka thënë se do të kandidojë për president edhe nëse dënohet. FiveThirtyEight bëri një sondazh të opinionit publik dhe sipas rezultateve të tyre, Trump ka 52.4 përqind mbështetje, Guvernatori i Floridës DeSantis 15.5 përqind, ndërsa të gjithë republikanët e tjerë janë nën 10 përqind.
Trump së shpejti mund të paditet në Uashington për përpjekje për të përmbysur rezultatet e zgjedhjeve të vitit 2020. Trump ka mohuar të gjitha akuzat dhe ka thënë se nuk është fajtor.
Iowa është shteti i parë ku votuesit do të fillojnë procesin e zvogëlimit të numrit të kandidatëve presidencialë nga shteti në shtet derisa të ketë një nga secila parti kryesore për të konkurruar në zgjedhjet e nëntorit 2024.
