Presidenti i Shteteve të Bashkuara, Donald Trump, ka akuzuar mediat amerikane se po e përdorin rastin e të dyshuarit për dërgimin e 14 pakove shpërthyese , politikisht kundër tij.
Pak pasi Cesar Sayoc u arrestua në Florida pasi që dyshohej se ai kishte dërguar pako shpërthyese në adresat e disa personaliteteve më ndikim në politikën amerikane, Presidenti amerikan gjatë një tubimi në Charlotte, ka thënë se dhuna politike nuk duhet të tolerohet asnjëherë.
“Unë do të bëj gjithçka që të mundem për ta ndaluar atë”, ka thënë Trump, shkruan Reuters.
Mirëpo përpjekjet për t’i shuar përçarjet politike në SHBA u shuan shpejt pasi që Trump ka akuzuar sërish objektivat e tij të zakonshme siç janë mediat dhe kundërshtarët e tij demokratë.
“Ne jemi duke parë përpjekjet e medieve që po mundohen t’i përdorin veprimet e gabuara të një individi kundër meje dhe Partisë Republikane”, ka shtuar Trump.
Për t’u informuar më shumë rreth të dyshuarit për pakot shpërthyese, klikoni në linkun e mëposhtëm.
