43-vjeçari shqiptar në SHBA dënohet për mashtrim, i vodhi 19 mln dollarë investitorëve

Amerika

43-vjeçari shqiptar në SHBA dënohet për mashtrim, i vodhi 19 mln dollarë investitorëve

Më: 1 shkurt 2021 Në ora: 07:37
Viktor Gjonaj

Shqiptari Viktor Gjonaj, 43-vjeç, themelues i “Title Plus Title Services”, është akuzuar për mashtrim ndaj investitorëve të tij me një shumë që i arrin 19 milionë dollarë.

Qëllimi i këtij mashtrimi, ishte që Gjonaj të blinte çdo javë 1 milion dollarë bileta në lotarinë “Daily 3 dhe Daily 4”.

Këtë aktivitet 43-vjeçari e nisi në vitin 2010 dhe në vitet e para nisi të përfitonte miliona dollarë, ndërsa vitet e fundit humbjet e tij ishin të mëdha.

“Viktor Gjonaj është një biznesmen i respektuar, por fatkeqësisht krijoi një varësi ndaj lojërave të fatit e si pasojë arritëm në këtë situatë”, u shpreh avokati i tij Steve Fishman, për The Detroit News.

Gjonaj është shpallur fajtor nga gjykata e Detroit dhe akuza e ngritur ndaj tij ka një maksimum dënimi që mund të arrijë deri në 20 vite heqje lirie, shkruajnë mediat vendase.

Shfaq komentet
comments powered by Disqus
Sot mund të lexoni Shfletoni kopertinat