Ndërsa bota admiron hiper-automobilin e parë elektrik të Lotus, kompania britanike ka sjellë për fansat zëvendësimin për modelet Evora 400 dhe Evora Sport 410 me agregat V6.
Evora GT nën ‘kapuç’ ka motorin e Toyota me 3.5-litra V6, i cili me ndihmën e një kompresori mekanik siguron 416 kuaj fuqi.
Me më shumë fuqi, Evora me vetëm 1.408 kg, përshpejton nga 0-100 km/h për 3.8 sekonda, me shpejtësi maksimale prej 303 km/h.
Fuqia transmetohet në boshtin e pasmë përmes një transmisioni manual me 6 shpejtësi, por Lotus gjithashtu ofron një opsion me një automatik me 6 shpejtësi.
Çmimi fillestar për Evora GT kushton 96.950 dollarë, por është i dedikuar vetëm për Amerikën Veriore.
