Vetura e parë e kompanisë së njohur japoneze Mitsubishi këtë vit do të mbushë 100 vjet dhe kompania në këtë model do të instalojë sistemin e tërheqjes plug-in hibrid, të huazuar nga modeli aktual Outlander PHEV.
Mitsubishi Model A, i cili për herë të parë në treg është shfaqur në vitin 1917, do të bazohet në platformën e modelit Outlander dhe për këtë përgjegjës është kompania West Coast Customs.
Kjo do të thotë se Model A do të kombinojë motorin benzinë 2-litërsh dhe dy motorë elektrikë me baterinë litium-jon prej 12 kWh, si dhe do të jetë në dispozicion me sistemin e tërheqjes në të gjitha rrotat.
Model A origjinal i vitit 1917 ka motor 2.8-litër me katër cilindra dhe kapacitet prej 35 kuajfuqi, gjë që ishte e mjaftueshme që shpejtësinë maksimale ta arrijë deri në 96 kilometra në orë.
Duhet theksuar se në mes të vitit 1917 dhe 1921 janë prodhuar me punëdore vetëm 22 modele të tilla, duke përfshirë edhe prototipin.
