Një numër aktivistesh të të drejtave të grave janë duke u gjykuar në Arabinë Saudite në një rast që ka ngritur shqetësime rreth respektimit të të drejtave të njeriut në mbretëri.
Ndër aktivistet është edhe Loujain al-Hathloul, një figurë e shquar në fushatën për të fituar të drejtat e grave për vozitje. Ajo u arrestua majin e kaluar.
Akuzat me të cilat përballen thuhet se përfshijnë “mbështetjen e elementeve armiqësore” dhe mund të dënohen me burgim të gjatë.
Kërkesat për lirimin e grave kanë ardhur nga e gjithë bota.
Javën e kaluar më shumë se 30 vende në Këshillin e të Drejtave të Njeriut të OKB-së kritikuan Arabinë Saudite për ndalimin e grave.
Shqyrtimi i të drejtave të njeriut në mbretëri është intensifikuar që nga vrasja e gazetarit Jamal Khashoggi në konsullatën saudite në Stamboll tetorin e kaluar.
