rani ka kapur 17 spiunë që punojnë për CIA amerikane dhe disa prej tyre janë dënuar me vdekje, raportoi të hënën media iraniane, sipas Reuters.
Televizioni shtetëror citoi Ministrinë e Inteligjencës që tha se ka shkatërruar një rrjet spiunësh të CIA dhe ka kapur 17 të dyshuar.
Një zyrtar deklaroi se disa nga këto arrestime janë gjykuar dhe dënuar me vdekje. Lajmi vjen pas tre muajsh spiraleje konfrontimi me Perëndimin që filloi pas vendosjes së sanksioneve të SHBA-ve me efekt për atë që ndodhi në maj.
Javën e kaluar, Irani kapi një anije me flamur britanik në Ngushticën e Hormouzit, pasi Marina Mbretërore Britanike kapi një anije iraniane jashtë brigjeve të Gjibraltarit në 4 korrik.
”Spiunët e zbuluar ishin punësuar në sektorë sensitivë privatë ne ekonomi, nuclear, infrastrukturë, ushtri dhe fushat cibernetike…ku ata mblidhin informacion të klasifikuar” thuhet në një deklaratë të ministrisë në televizionin shtetëror.
