Një person ka vdekur dhe dy fëmijë janë plagosur nga një sulm me raketa i forcave të gjeneralit Khalifa Haftar të dielën.
Raketat e militantëve të Haftarit e goditën një shtëpi në Ain Zara, në jug të kryeqytetit Tripoli, thuhet në njoftimin e publikuar nga qeveria e njohur nga Kombet e Bashkuara, shkruan “Anadolu”.
Ahmed al-Mismari, zëdhënës i forcave të Haftarit, dje e mirëpriti armëpushimin e propozuar nga Kombet e Bashkuara dhe vendet evropiane për shkak të përhapjes së koronavirusit. Megjithatë, ky grup po i vazhdon sulmet.
Që nga rrëzimi i Muammar Gaddafi-t në vitin 2011, në Libi janë dy pushtete paralele. Gjenerali Haftar e kontrollon pjesën lindore të vendit dhe përkrahet nga Egjipit e Emiratet e Bashkuara Arabe, ndërsa Qeveria e Akordit Kombëtar e kontrollon Tripolin me rrethinë dhe përkrahet nga Kombet e Bashkuara dhe Turqia.