Izraeli rrënon varret myslimane pranë xhamisë Al-Aksa

Azia

Izraeli rrënon varret myslimane pranë xhamisë Al-Aksa

Më: 10 tetor 2021 Në ora: 21:00
Foto

Komuna e Jeruzalemit, e cila administrohet nga Izraeli, të dielën shkatërroi varret myslimane pranë xhamisë Al-Aksa në Jeruzalemin lindor të pushtuar.

Disa varre në Varrezat Al-Yusufiye pranë xhamisë Al-Aksa u shkatërruan nga automjetet inxhinierike të bashkisë në Qytetin e Vjetër, raporton AA.

Ahmed al-Dajani, drejtor ekzekutiv i Komisionit për Mbrojtjen e Varreve Muslimane, i tha Anadolu Agency se një gjykatë izraelite i ka dhënë Drejtorisë së Arkeologjisë Izraelite leje për të punuar në një vend afër varrezave.

Ai tha se në mesin e varreve të rrënuara ishin ata të myslimanëve që u martirizuan në konfliktet midis 1948 dhe 1967, dhe se Izraeli do të përballet me veprime ligjore në përgjigje të aktit të bashkisë.

Ndërsa rajoni është një pjesë e domosdoshme e varrezave, Komuna e Jeruzalemit nën administrimin izraelit ka planifikuar të ndërtojë një park pranë Varrezave Al-Yusufiye, shtoi ai.

Varrezat Al-Yusufiye, të vendosura pranë murit që rrethon Qytetin e Vjetër, janë një nga varrezat më të vjetra myslimane në Jeruzalemin e pushtuar.

Më të lexuarat
Sot mund të lexoni Shfletoni kopertinat