Virtus Bolonja-Panathinaikos 79-81! Veprimtaria më prestigjioze e basketbollit kontinental të klubeve,
Ndeshje e zhvilluar në Bolonjë, në Itali, ka parë skuadrën e Panathinaikosit ta sfidojë mbështetjen e tifozerisë vendase, duke e fituar 10-minutëshin e parë me 12 pikë epërsi, 28-16.
Por skuadra vendase do të kundërpërgjigjet në 10-minutëshin e dytë, që duhet thënë se ka qenë mjaft i luftuar dhe, për rrjedhojë, është mbyllur në barazpeshë të plotë, 23-23.
Sidoqoftë, është skuadra greke që ka shkuar në pushimin e madh midis dy gjysmave duke kryesuar me 12 pikë epërsi, me shifrat 51-39. Është një tjetër tablo pas daljes nga dhomat e zhveshjeve, teksa skuadra vendase e ka fituar 10-minutëshin e 3-të, 20-14, por Panathinaikosi mbetet në kryesim të rezultatit pas një gjysmë ore lojë me 6 pikë epërsi, 65-59.
10-minutëshi i 4-t dhe i fundit ka parë një tjetër fraksion loje të luftuar dhe, ndonëse Virtus Bolonja e ka fituar atë të lojës, 20-16, është skuadra greke që e ka fituar gjithë ndeshjen 81-79, por vetëm falë një koshi në skajet e kohës të Kendrit Nanit, që e mban skuadrën e Panathinaikosit në vendin e 3-të të renditjes, teksa kanë mbetur edhe dy javë deri në fund të sezonit të rregullt të Euroligës së basketbollit për meshkuj.
