Boksieri shqiptar, Shefat Isufi e ka mposhtur rivalin e tij, sllovakun Nicolas Holcapfel, në meçin që u zhvillua sot në Bern të Zvicrës.
Isufi ka fituar me nokaut në rundin e katërt, duke dëshmuar edhe njëherë se bëhet fjalë për një boksier mjaft cilësor.
Për boksierin nga Tërnoci i Bujanocit kjo ishte fitorja e 29-të në karrierë, ndërsa i ka edhe 4 humbje e 2 barazime, ndërsa sllovaku ka bilanc prej 11 fitore e 1 humbje, shkruan insporti.
29 vjeçari Isufi në këtë mënyrë e ka vazhduar serinë e rezultateve të mira, ndërsa synimi i tij është të luftojë për tituj të rëndësishëm.