Në zyrën e tij, Arbër Grabovci, zëvendësministër i Ministrisë Kulturës, Rinisë dhe Sportit të Kosovës, e priti Mehmeti Bogujevcin, sekretar i përgjithshëm i Federatës së Boksit të Kosovës.
Ata biseduan për shumëçka që e preokupon boksin dhe për vështirësitë që po ballafaqohen në kohë pandemie.
“Sot , prita në takim legjendën e boksit tonë ish nënkampionin botëror sekretarin e përgjithshëm të FBOXK-së, z. Mehmet Bogujevcin, me ç’rast shkëmbyem mendime për gjendjen aktuale në boksin tonë, përgatitjet të përfaqësueses sonë që po zhvillohen në Brezovicë dhe mundësisë së organizimit të turneut ndërkombëtar ‘’Lah Nimanin’’ i cili është shtyrë për shkak të epidemisë Covid -19”, ka shkruar Grabovci.
Federata e Boksit ka një varg plane për këtë vit, por sa do të arrijë t’i realizojë mbetet të shihet.
