Jeton një jetë të qetë në fshatin Bresje të Fushë Kosovës. Është i hareshëm për të gjitha moshat dhe nuk i përton bisedës në asnjë çast!
Është Mehmet Bogujevci, që sot numëron 69 vite por duket sikur një djalë i ri për nga fuqia!
Një foto që e ka postuar ai, është e vitit 1967-1968, kur u bë kampion ish Jugosllavisë për të rinj. Kjo foto është bërë në Suboticë të Vojvodinës.
Bogujevci suksesin më të madh në karrierë e ka arritur në vitin 1978, kur u bë nënkampion i botës, ngjarje që ishte mbajtur në Beograd.
Bogujevci është boksier i gjeneratës së artë të Prishtinës në vitet e 70-ta dhe të 80-ta, me të cilin klub janë pesë herë kampion dhe gjashtë herë nënkampion i ish Jugosllavisë.
Vogëlushi që u rrit, u burrërua, u martua e ka fëmijë, fitoi medalje e tituj, sot është 69 vjeç dhe është shumë i fortë.
Dikur dridhte klubet ish jugosllave dhe boksierët me nam të botës. Në vitin 1979 nderohet me librezën ‘Sportist i Merituar’ në ish Jugosllavi!
