Legjenda e UFC-së, Conor McGregor, ka shpallur fejesën me partneren e tij prej shumë vitesh, Dee Devlin.
Irlandezi ka zbuluar se ai kishte pyetur gruan e tij për martesë gjatë kohës sa ishte duke festuar ditëlindjen e tij të 32-të në jug të Francës.
“Çfarë ditëlindje, gruaja ime e ardhshme!”, ka shkruar ai në rrjetin social “Instagram”.
Devlin ka qenë në krah të McGregorit që prej fillimit të karrierës së tij në Artet e Përziera Marciale në vitin 2008.
Çifti ka dy fëmijë, djalin 3-vjeçar Conor Jr dhe vajzën Croia.