Boksieri i Kombëtares së Kosovës, Remzo Mustafiq (91 kg), është i përgatitur maksimalisht dhe sot do të luftojë për finalen e madhe të Kampionatit Evropian për të rinjtë, që po mbahet në Budva të Malit të Zi.
Mustafiq është në formë të madhe dhe beson e shpreson se do të arrijë në finale.
Një është e sigurt, Mustafiq ka siguruar medaljen e bronztë.
“Remzo Mustafiq sot në ora 15:15 paraqitet në ring kundër boksierit nga Ukraina në luftë për finale.
Shpresojmë se edhe sot Remzo do të na gëzoj me fitore dhe ta siguroj medaljen e argjendtë dhe finalen”, thotë Shefki Bogujevci, sekretar i përgjithshëm i Federatës së Boksit të Kosovës.
