Para disa viteve kishte ndodhur një çudi në rajonin e Drenicës!
Kur shokët duhen siç janë Ramadan Selimi dhe Latif Demolli, ndonjëherë ia “lëshojnë mjekrën” njëri – tjetrit.
Burimet e sigurta konfirmojnë, se në ato vite Latif Demolli sekretar teknik e zëdhënës, i veshur pedant e me këmishë të bardhë, u mashtrua nga Ramadan Selimi, atëkohë kryetar i Federatës së Boksit të Kosovës.
“Ramadani duke qeshur e ndali makinën. Ishin bashkë në makinë me trajnerin Shefki Bogujevci. Dani del e i thotë:
‘Latif, a ke mundësi me shty makinën se nuk po ndezët’! Kohë e keqe, një shi i madh!
Lata doli nga makina e tij, e shtynte makinën me aq sa kishte fuqi, por ajo nuk lëvizte fare sepse ishte edhe përpjetës e madhe por edhe e frenuar fortë nga Ramadani. Latës nuk i vajti mendja se është një mashtrim i madh dhe një lojë ndaj tij.
Habia tjetër ishte se Dani e Shefkiu rrinin në makinë, ndërsa Latifi nuk iu thoshte asnjërit që të zbarkonte nga makina e ta ndihmonte.
Duket më shumë nga sikleti se kryetari kishte mbetur keq me makinë. Çudia ishte se Ramadani e Shefkiu në makinë, ndërsa ky e shtynte makinën pa mundur ta lëvizte nga vendi. Shefkiu i thotë: ‘Kryetar, boll bre se u bë qull nga shiu, gjynah’.
Ky ia kthen: ‘Le ta provon, le ta provon, se po flet shumë. Shtyje, shtyje’.
Në fund del Dani nga makina e i thotë: ‘Latë, makina është super, vetëm të provuam sa je i fortë. Lata u bë fortë nervoz sepse ishte lagur shumë, uji i shkonte curril. Lata ishte lodhur shumë”, tregon një burim.
Raportohet se kjo hile apo mashtrim iu bë Latës për shkak se ai i kishte shitur mend në një rast ndaj kryetarit të federatës, e ky ishte një lloj ndëshkimi në shiun më të madh që binte atë ditë.
Sot Selimi nuk është kryetar i federatës, ndërsa Demolli është sekretar i përgjithshëm dhe njeriu më me ndikim. A më lehtë më shty makinën apo sot që është sekretar i përgjithshëm, pyetje pa përgjigje! Ndodhi e para disa viteve!
