Shtatë të vdekur nga aksidentimi i një autobusi në Rusi - Bota Sot
Shtatë të vdekur nga aksidentimi i një autobusi në Rusi

Bota

Shtatë të vdekur nga aksidentimi i një autobusi në Rusi

Më: 3 shkurt 2019 Në ora: 15:54
Pamje nga vendi i ngjarjes

Të paktën shtatë persona kanë vdekur, përfshirë katër fëmijë dhe 32 të tjerë janë lënduar pas aksidentimit të një autobusi në afërsi të Moskës, njoftuan autoritetet.

Autobusi, që po barte 45 persona, u rrokullis në një rrugë lokale rreth 190 kilometra në jug të Moskës, njoftoi Ministria e Situatave Emergjente.

U deshën disa orë derisa ekipet e shpëtimit arritën të nxjerrin dhjetëra persona, të cilët u bllokuan brenda autobusit.

Shumica e të lënduarve janë fëmijë, transmeton rel.

Shkaku i këtij aksidente ende nuk dihet, por policia tha se shoferi i autobusit është arrestuar dhe po merret në pyetje. Rruga ku u aksidentua autobusi ishte e mbuluar me borë.

Agjencia e lajmeve ruse Interfax, ka cituar kryetarin e qytetit Yartsevo të ketë thënë se autobusi po barte disa fëmijë të një klubi të vallëzimit, të cilët ishin nisur drejt një gare vallëzimi në qytetin Kaluga.

Ministria e Situatave Emergjente tha se autobusi nuk është përplasur me asnjë makinë tjetër. Kjo ministri tha se me duket që autobusi ka devijuar nga rruga përpara se të rrokullisej.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...