Çdo konflikt ndërmjet Iranit dhe Shteteve të Bashkuara në Gjirin Persik do të ndikojë që çmimet e naftës të rriten mbi 100 dollarë për fuçi, paralajmëroi sot zyrtari i lartë iranian Yahya Rahim Sahavi.
"Plumbi i parë në Gjirin Persik do të çojë në një rritje në çmimet e naftës mbi 100 dollarë për fuçi, e cila do të jetë e padurueshme për Amerikën, Evropën dhe aleatët amerikanë, si Japonia dhe Koreja e Jugut", tha Sahavi, këshilltar i lartë ushtarak i liderit fetar Ali Hamenei.
Kriza politike midis Iranit dhe Shteteve të Bashkuara çoi në përkeqësimin e situatës në Gjirin Persik dhe sidomos pas vendimit të Uashingtonit për të dërguar një aeroplan-mbajtësen Abraham Lincoln si një sinjal për Teheranin.
Pentagoni e ka karakterizuar këtë hap si përgjigje ndaj gatishmërisë së rritur të Iranit për të nisur një ofensivë kundër forcave amerikane dhe interesave të tyre.