Pandemia është jashtë kontrollit në Brazil, por pse disa zyrtarë po i lehtësojnë masat kufizuese?

Bota

Pandemia është jashtë kontrollit në Brazil, por pse disa zyrtarë po i lehtësojnë masat kufizuese?

Më: 13 prill 2021 Në ora: 17:05
Foto ilustrim

Javën e kaluar, Brazili raportoi shifrën më të lartë të viktimave nga coronavirusi brenda një dite, ku u regjistruan rreth 4,100 sosh.

Sipas CNN, Sao Paulo dhe qyteti Rio de Janeiro renditen si ndër vendet më të goditura rëndë për sa i përket viktimave, megjithatë, të dyja vendet planifikojnë të lehtësojnë masat kufizuese duke filluar nga e hëna.

Sao Paulo do të rihapë shkollat shtetërore, ngjarjet sportive dhe dyqanet e ndërtimit, derisa Rio de Janeiro do të lejojë hapjen e restoranteve dhe bareve, duke larguar kufizimet të cilat janë në fuqi që nga muaji mars.

Autoritetet e Sao Paulos po e justifikojnë rihapjen, duke theksuar se nivelet e shfrytëzimit në njësitë e kujdesit intensiv kanë rënë nga 90.5 për qind në 88.6 për qind.

“Kjo masë tregon qartë se përpjekja e bërë në javët e fundit ka filluar të reflektojë me rezultate”, tha zëvendës-guvernatori, Rodrigo Garcia.

Ngjashëm, në qytetin e Rio de Janerio, nivelet e përdorimit të kujdesit intensiv janë më të larta në 92 për qind, por kryebashkiaku Eduardo Paes megjithatë ka vendosur të lehtësojë kufizimet.

“Kjo është një përgjigje për këdo që mendon se kufizimet nuk janë të dobishme duke parandaluar festat dhe turmat. Realiteti ynë nuk lejon bllokimin”, tha Paes, duke shtuar pronarët e dyqaneve dhe popullata e përgjithshme po vuajnë ekonomikisht nga masa të tilla, megjithatë shtoi se “ky nuk është momenti të çlodhemi”.

Shfaq komentet
comments powered by Disqus
Sot mund të lexoni Shfletoni kopertinat